Լավրովի աշխատանքային այցը հարթ չի՞ անցնում․ ԱԳՆ-ն մեկնաբանել է
Լրատվականներում տեղեկություն է շրջանառվում, թե երեկ երեկոյան Հայաստան ժամանած Ռուսաստանի Դաշնության արտաքին գործերի նախարար Սերգեյ Լավրովի աշխատանքային այցը հարթ չի անցնում:
Մասնավորապես նշում են, թե քիչ առաջ ռուսական և հայկական պատվիրակությունները միասին ճաշել են Պուշկին-Տերյան հատվածում գտնվող «Վիլլա Ավենյու» ռեստորանում, և ականատեսների վկայությամբ՝ ռեստորանի տարածքից դուրս ՀՀ արտգործնախարար Արա Այվազյանին ՌԴ-ում ՀՀ դեսպան Վարդան Տողանյանը իր դժգոհությունն է հայտնում: Ըստ աղբյուրի՝ հայկական կողմի ներսում կան տարաձայնություններ և այցը հայկական կողմի համար հաջող չի անցել։
Auroranews-ը կապ հաստատեց ՀՀ ԱԳՆ մամուլի խոսնակ Աննա Նաղդալյանի հետ։ Վերջինս անհեթեթ համարեց տարածված լուրն ու հավելեց․
«Բացարձակապես սուտ է և անգամ մեկնաբանման կարիք չունի։ Հանդիպումն անցել է ըստ պլաննավորածի, իսկ ՌԴ պատվիրակությունն էլ արդեն մեկնում է Հայաստանից »,- մեզ հետ զրույցում նշեց Նաղդալյանը։
