Հայտնի է` ով է կողմ քվեարկել Փաշինյանի թեկնածությանը, ովքեր` դեմ
Խորհրդարանի կայքում հրապարակվել են այսօր կայացած քվեարկության արդյունքները, ըստ որի` Նիկոլ Փաշինյանի թեկնածությանը դեմ են քվեարկել «Իմ քայլը» խմբակցության պատգամավորներ Եղիշե Սողոմոնյանը, Բաբկեն Թունյանը, ինչպես նաև անկախ պատգամավոր Արման Բաբաջանյանը։
Փաշինյանին կողմ է քվեարկել միայն մեկ պատգամավոր՝ «Իմ քայլը» խմբակցության անդամ Նարեկ Ղահրամանյանը։ Քվեարկությանը ներկա մյուս բոլոր պատգամավորները ձեռնպահ են եղել։
Հիշեցնենք, որ ՀՀ Ազգային ժողովն այսօր արտահերթ նիստում չընտրեց ՀՀ վարչապետի պաշտոնում առաջադրված միակ թեկնածու, ՀՀ վարչապետի պաշտոնակատար Նիկոլ Փաշինյանին։
