«Մեղրիով Ադրբեջանին ուղիներ տարամադրելու հարցը լուրջ մտահոգություն է առաջացրել բնակչության շրջանում». ԱԱԾ տնօրենը՝ ՔԿ նախագահին
Փաստաբան Լուսինե Սահակյանը հրապարակել է ԱԱԾ տնօրեն Արմեն Աբազյանի գրությունից մի հատված՝ ուղղված ՀՀ քննչական կոմիտեի նախագահ Հայկ Գրիգորյանին։
Գրությունից պարզ է դառնում, որ հայտարարությունները, թե Սյունիքում նրան ուղղված հայհոյանքները կազմակերպված են, կատարյալ սուտ է, քանի որ նույնիսկ ԱԱԾ-ն արձանագրել, որ «Մեղրիի տարածքով Ադրբեջանին ուղիներ տարամադրելու հարցը և մինչև այժմ գոյություն ունեցող անորոշությունը լուրջ մտահոգություն է առաջացրել Մեղրիի տարածաշրջանի ողջ բնակչության շրջանում և բնակչության մեծ մասն այդ հարցում մեղադրում է ՀՀ վարչապետ Ն. Փաշինյանին, ինչը որոշ մարդկանց շրջանում առաջացրել է նաև խիստ հուզումնալից վիճակ»:
Փաստացի, ԱԱԾ արձանագրում է, որ երեկ բերման են ենթարկվել ու խոշտանգվել իրենց հայրենիքի ապագայով մտահոգ սյունեցիներ:
