Բայդենն Էրդողանին տեղեկացրել է, որ պատրաստվում է ճանաչել Հայոց ցեղասպանությունը. Սուրեն Սարգսյան
Քաղաքագետ Սուրեն Սարգսյանը Ֆեյսբուքի իր էջում գրել է.
«Ինչպես կանխատեսում էի, Բայդենն ու Էրդողանն այսօր օնլայն շփում են ունեցել: Բայդենը տեղեկացրել է, որ պատրաստվում է ճանաչել Հայոց ցեղասպանությունը»:
Bloomberg-ն էլ հղում անելով երկու առաջնորդների միջեւ զրույցի բովանդակությանը քաջատեղյակ աղբյուրներին՝ նշում է, որ ուրբաթ ԱՄՆ նախագահ Ջո Բայդենը Թուրքիայի նախագահ Ռեջեփ Թայիփ Էրդողանի հետ զրույցում հայտարարել է 20-րդ դարի սկզբին Օսմանյան կայսրությունում հայերի ջարդը որպես Ցեղասպանություն ճանաչելու մտադրության մասին:
Հիշեցնենք, որ ԱՄՆ նախագահ Ջոզեֆ Բայդենը և Թուրքիայի նախագահ Ռեջեփ Թայիփ Էրդողանը հեռախոսազրույց են ունեցել, որի ընթացքում պայմանավորվել են հանդիպել հունիսին Բրյուսելում կայանալիք ՆԱՏՕ-ի գագաթնաժողովին:
