Երևանում կիսակառույց շինության տանիքից փայտերն ու տախտակները քամին շպրտել ու վնասել է Nissan X-Trail-ն ու KIA Optima-ն
Այսօր՝ ապրիլի 21-ին, արտակարգ դեպք է տեղի ունեցել Երևանում: Ժամը 19:00-ի սահմաններում ուժեղ քամու հետևանքով Քրիստափորի փողոցում կիսակառույց շինության տախտակե ծածկերը պոկվել և վնասել են կայանված վիճակում գտնվող Nissan X-Trail և KIA Optima մակնիշի ավտոմեքենաները: Ինչպես դեպքի վայրից հայտնում է ֆոտոլրագրող Գագիկ Շամշյանը, կոտրվել է նաև «Հոմի» կահույքի սրահի դռան մեծ ապակին: Բարեբախտաբար, տուժածներ չկան:
Ֆոտոլրագրողը հայտնում է, որ և՛ Nissan X-Trail-ը, և՛ KIA Optima-ն մի քանի միլիոնի վնաս են կրել:
