Սևանում արհեստանոց է այրվել, Շաքի գյուղում՝ տուն
Ապրիլի 19-ին՝ ժամը 22։35-ին, Գեղարքունիքի մարզային ճգնաժամային կառավարման կենտրոն ահազանգ է ստացվել, որ Սևան քաղաքի սկզբնամասում այրվում է գործող արհեստանոց:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։
Պարզվել է, որ հրդեհ է բռնկվել Խաղաղության փողոցի թիվ 39 հասցեում գտնվող ավտոտեխսպասարկման կետում:
Հրդեհը մեկուսացվել է ժամը 23:03-ին, մարվել՝ 23:34-ին: Այրվել է ավտոտեխսպասարկման կետը (մոտ 63 քմ)՝ գույքով։
Ապրիլի 20-ին՝ ժամը 06։23-ին, Սյունիքի մարզային ճգնաժամային կառավարման կենտրոն ևս մեկ ահազանգ է ստացվել, որ Շաքի գյուղում տուն է այրվում։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։
Պարզվել է, որ հրդեհը բռնկվել է 13-րդ փողոցում գտնվող տներից մեկում։
Հրդեհը մեկուսացվել է ժամը 07:22-ին։
