Ջաբրայիլի գնդի շենքերը նախկինի պես կանգուն են, թեեւ իշխանական քարոզչամեքենան պնդում էր հակառակը. Փաստինֆո

Ջաբրայիլի գնդի շենքը տեղում է՝ հակառակ պատերազմական օրերին տարածվող տեղեկությունների։ Որոնողական աշխատանքներին մասնակցած անձանցից մեկը «Փաստինֆո»-ի հետ զրույցում նշեց, որ մի քանի օր առաջ են եղել Ջրականում՝ անձամբ տեսել Ջաբրայիլի գնդի շենքը, թեեւ պատերազմի օրերին ներկայացվում էր, թե ոչնչացվել է ադրբեջանցիների կողմից և հավասարեցվել գետնին։

«Ջաբրայիլի պոլկն իր տեղում է, լրիվ շենքերը՝ ոնց կար, տենց կանգուն մնացել է։ Ո՞նց էին ասում ու տենց բաներ հրապարակում»,- ասաց մեր զրուցակիցը:

Ըստ աղբյուրների՝ այս պահի դրությամբ տարածքն ամբողջությամբ համալրված է ադրբեջանական զորքով, սպայական կազմով՝ սպայական բնակավայրում։ Ականատեսը փաստեց, որ հողին հավասարեցրած են տեսել Ջաբրայիլում կառուցված Սուրբ Աստվածածին եկեղեցին։

Իսկ ադրբեջանական կողմը Ջաբրայիլից մինչև Կարմիր շուկա այս պահին մեծածավալ շինարարական աշխատանքներն է կատարում։