Ոստիկանությունը բերման է ենթարկել «Ազատագրում» շարժման վեց մասնակիցների
Ոստիկանությունը բերման է ենթարկել «Ազատագրում» շարժման վեց մասնակիցների, այդ թվում ՝ մի աղջկա: Այս մասին տեղեկանում ենք շարժման ֆեյսբուքյան էջից:
«Ուժ կիրառելով ՝ ոստիկանությունը բերման է ենթարկել #ԱԶԱՏԱԳՐԵՒՄ շարժման վեց մասնակիցների, այդ թվում ՝ մի աղջկա։
Կարելի է արձանագրել, որ այլևս ոչ ոք չի խոչընդոտում Դեմիրճյան փողոցի ապաշրջափակմանը։
Բերման ենթարկվածներին տարան Արաբկիր և Մաշտոց ոստիկանական բաժանմունքներ։ Երկար երեկո է մեզ սպասվում։
Մենք չենք հանձնվում, առաջ ենք գնալու»։
Հիշեցնենք, որ այսօր «Հայրենիքի փրկության շարժումը» հայտարարություն էր տարածել, որ ազատում ենք Դեմիրճյան փողոցը:
Պայքարի հիմնական գործողություններն առաջիկա օրերին տեղափոխվելու են Հայաստանի տարբեր բնակավայրեր։ Արդեն հայտարարվել է մարզային հանդիպումների ու հանրահավաքների և դրանց վայրերի մասին։