Հնարավոր ա՝ ես ընդհանրապես չմասնակցեմ ընտրություններին, հնարավոր ա՝ դուրս գամ քաղաքականությունից. Պետրոսյան

ԱԺ անկախ պատգամավոր Գևորգ Պետրոսյանը հնարավոր է՝ քաղաքականությունից դուրս գա: Լրագրողների հետ զրույցում պատգամավորը նշեց, որ միջավայրն իրեն տհաճ է:

«Հնարավոր ա՝ ես ընդհանրապես չմասնակցեմ ընտրություններին, հնարավոր ա՝ դուրս գամ քաղաքականությունից: Ինձ դուր չի գալիս էս ամեն ինչը: Ո՛չ ընդդիմությունն ա կարգին քայլ անում, ո՛չ իշխանությունն ա կարողանում երկիրը ղեկավարել: Մենք էլ դառնում ենք վատամարդ՝ անընդհատ խոսում, քննադատում ենք: Ինձ համար էս միջավայրը տհաճ է: Ես ԱԺ հաճույքով չեմ գալիս աշխատանքի, բայց քանի որ անցած ուղի ունես, ափսոսում ես արածդ, թե չէ մեծ հաճույքով հիմա դուրս կգամ քաղաքականությունից: Ստեղ քաղաքականություն չկա, ստեղ կան անձնական, կորպորատիվ շահեր», - նշեց պատգամավորը:

Հարցին, թե եթե «Բարգավաճ Հայաստանից» իրենց ցուցակով ընտրություններին մասնակցելու առաջարկ ստանա՝ կընդունի՞ , Պետրոսյանը բացասական պատասխան տվեց: