ՏԵՍԱՆՅՈՒԹ. Հրապարակվել է մարսյան առաջին քաղաքի նախագիծը
Գիտնականների և դիզայներների միջազգային խումբը ներկայացրել են Մարսում առաջին քաղաքի կառուցման նախագիծը:
Ինչպես հայտնում է life.ru-ն, ըստ Abibo ճարտարապետական խմբի հիմնադիր Ալֆրեդո Մունյոսի, շինարարությունը կարող է սկսվել արդեն 2054 թվականից, իսկ առաջին վերաբնակիչները կհայտնվեն այնտեղ 2100 թվականին:
Նրանք «բախվելու են խնդիրների, որոնք հատուկ են Մարսին»,-նկատել է Մունյոսը:
Գիտնականների կարծիքով, քաղաքը պետք է կառուցվի ժայռի վրա և բացառապես այն նյութերից, որոնք առկա են Մարսում: Ենթադրվում է, որ թթվածինը կստեղծվի վերաբնակիչների կողմից տնկված ծառերի կողմից, իսկ էներգիան կտրամադրվի արևային մարտկոցների միջոցով: Ամբողջ ենթակառուցվածքը թաքնված կլինի հերմետիկ փակ գմբեթի տակ:
