«Ես համարում եմ սա խտրական նախագիծ, որը ուղղված է Մարդու իրավունքների պաշտպանի գործունեությունը սահմանափակելուն». Արման Թաթոյան
«Ես համարում եմ սա խտրական նախագիծ, որը ուղղված է Մարդու իրավունքների պաշտպանի գործունեությունը սահմանափակելուն»,-հայտարարեց ՄԻ պաշտպան Արման Թաթոյանը՝ անդրադառնալով գրասենյակի ֆինանսավորումը կրճատելու կառավարության նախագծին։
Թաթոյանը նշեց, որ եթե պետությունից ֆինանսավորվող մյուս գերատեսչություններում կրճատումներ արվեին, ապա իրենք կհասկանային, որ բյուջեի հետ կապված խնդիրներ են պատճառը, մինչդեռ ուսումնասիրել են և նման միտում առկա չէ:
Նա նշեց, որ ՄԻՊ գրասենակն աշխատում է գերծանրաբեռնված գրաֆիկով, մեկ ամսում ստանում են մոտ 3000 բողոք, իսկ հատկացվող գումարը գրեթե ամբողջությամբ փոխանցվում է աշխատավարձի վճարելուն։
