ԼՈՒՍԱՆԿԱՐՆԵՐ. Նման ավտոպատահար միայն կինոնկարներում կհանդիպի

Երեկ երեկոյան ավտովթար է տեղի ունեցել Երևանում: Այս մասին հայտնում է Shamshyan.com-ը։

Mercedes մակնիշի ավտոմեքենան Արշակունյաց պողոտայում՝ «Կինո Հայրենիքի» դիմաց բախվել է գետնանցումի երկու բետոնե հենասյուներին, կոտրել դրանք և առաջ ընթանլով, բախվել «Կինո Հայրենիքի» տուֆե հսկայական սյուներից մեկին:

Ինչպես դեպքի վայրից հայտնում է լրագրողը, վթարի հետևանքով վարորդը, ում առաջինը օգնության են հասել «Կինո Հայրենիքի» աշխատակիցները, տեղափոխվել է «Էրեբունի» բժշկական կենտրոն:

Մինչ բժիշկների ժամանումը «Կինո Հայրենիքի» աշխատակիցները վարորդին դուրս են բերել ավտոմեքենայից և առաջին բուժօգնութունն են ցուցաբերել, որից հետո բժիշկները նրան արդեն տեղափոխել են հիվանդանոց:  

  Ոստիկանությունը պարզում է վարորդի ինքնությունը:

Շտապօգնության բժիշկները ֆոտոլրագրողի հետ զրույցում հայտնեցին, որ վարորդը գտնվում է ծայրահեղ ծանր վիճակում:

Մինչ վթարի վայրում աշխատում էր ՃՈ հետաքննիչը, շտապօգնության կայանից ահազանգ ստացվեց, որ վիրավորը հիվանդանոց տեղափոխվելու ճանապարհին մահացել է:

[66e0ced63e07e5f3dc42a1b6fc93c03b.jpg]

[0764530bf207037f584a47a688e71d79.jpg]

[954313012f91e6ef9fb2d83b7e7abbda.jpg]

[c62d08ebabe30c48fea9041fcc1b4198.jpg]

[61911a8a4f9b6c075b3dd5c7684275ef.jpg]

[b223dac20f0b24289920c68c93ed143a.jpg]

[316e5c368ef9c47f1cc2dddd9b8d6d5f.jpg]

[c62d08ebabe30c48fea9041fcc1b4198.jpg]