Երկրաշարժ՝ Շորժա գյուղից 5 կմ հյուսիս-արեւելք. էպիկենտրոնում ցնցման ուժգնությունը կազմել է 4-5 բալ

Փետրվարի 15-ին, տեղական ժամանակով ժամը 22:27-ին (Գրինվիչի ժամանակով` ժամը 18:27-ին) ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40.52⁰ եւ արեւելյան երկայնության 45.33⁰ աշխարհագրական կոորդինատներով` Հայաստան` Գեղարքունիքի մարզի Շորժա գյուղից 5 կմ հյուսիս-արեւելք, օջախի 10 կմ խորությամբ, 3.3 մագնիտուդով երկրաշարժ (հետցնցում): Այս մասին հայտնում է ՀՀ ԱԻՆ-ը։

Էպիկենտրոնային գոտում ստորգետնյա ցնցման ուժգնությունը կազմել է 4-5 բալ:

Երկրաշարժը (հետցնցում) զգացվել է Ծովագյուղ համայնքում եւ Գավառ քաղաքում` 3 բալ ուժգնությամբ, Սեւան, Աբովյան, Դիլիջան եւ Իջեւան քաղաքներում` 2-3 բալ ուժգնությամբ: