![Գյուղում ստեղծվել է քաոսային իրավիճակ. Խնձորեսկի գյուղապետարանի հորդորը](https://auroranews.am/storage/img/base_image/old/933d8992eff3823bb06b94b308f82897.webp)
Գյուղում ստեղծվել է քաոսային իրավիճակ. Խնձորեսկի գյուղապետարանի հորդորը
![Գյուղում ստեղծվել է քաոսային իրավիճակ. Խնձորեսկի գյուղապետարանի հորդորը](https://auroranews.am/storage/img/base_image/old/933d8992eff3823bb06b94b308f82897.webp)
Խնձորեսկի գյուղապետարանը հաղորդագրություն է տարածել՝ Խնձորեսկ և Ներքին Խնձորեսկ գյուղերի բնակիչներին հորդորելով անասուններին չարածեցնել ուրիշի սեփականությունը հանդիսացող վարելահողերում:
«Խնձորեսկ և Ներքին Խնձորեսկ գյուղերի հարգելի՛ բնակիչներ,
Հաշվի առնելով հետպատերազմական զարգացումները՝ կապված սահմանային փոփոխությունների և կորուստների հետ, գյուղում ստեղծվել է քաոսային իրավիճակ. կրճատվել են հարյուրավոր հա արոտավայրեր, որտեղ ժամանակին պահվում էին մանր և խոշոր եղջերավոր անասունները և սեզոնային արածեցում էր իրականացվում:
Ստեղծված բարդ իրավիճակում պետք է հարգել կարողանանք յուրաքանչյուրի եկամտի ձեռք բերման հնարավորությունը և միմյանց չվնասենք: Սույն թվականի մարտի 1-ից խստագույնս արգելվում է անասունների արածեցումը ուրիշի սեփականությունը հանդիսացող մշակված և, կամ չմշակված վարելահողերում, խոտհարքներում:
Հ.Գ. Խորհուրդ է տրվում ոչխարների խուզն այս տարի իրականացնել սովորականից ավելի ուշ՝ սար տեղափոխվելուց հետո՝ հնարավորություն տալով խոշոր եղջերավոր անասունների բավարար արածեցմանը»: