Սպիտակ տնից պարզաբանում են՝ ինչո՞ւ է Բայդենն ավելի շուտ խոսել Պուտինի, քան մյուս առաջնորդների հետ

Սպիտակ տան խոսնակ Ջեն Փսակին բացատրել է ԱՄՆ նախագահ Ջո Բայդենի և նրա ռուս գործընկեր Վլադիմիր Պուտինի հեռախոսազրույցի կարևորությունը: 

«Այս զրույցի ընթացքում Բայդենը հասկացրել է, որ իրեն և վարչակազմին վերաբերող մտահոգությունները կապված են Ռուսաստանի կառավարության գործողությունների հետ», – ասել է Պսակին։

Իբչպես հայտնում է ՌԻԱ Նովոստին, ճեպազրույցում Պսակիին հարցրել են, թե ինչո՞ւ է ամերիկացի առաջնորդն ավելի շուտ զրուցել Պուտինի, քան աշխարհի այլ ղեկավարների հետ: Ըստ նրա, այս խոսակցությունն անհրաժեշտ էր, քանի որ ավարտվում էր Ռազմավարական հարձակողական զենքի հետագա կրճատման և սահմանափակման միջոցառումների մասին պայմանագրի ժամկետը։

Պուտինի ու Բայդենի հեռախոսազրույցը տեղի է ունեցել հունվարի 26-ին: Կրեմլի խոսնակ Դմիտրի Պեսկովի հայտարարությամբ՝ հեռախոսազրույցը տեղի է ունեցել Մոսկվայի նախաձեռնությամբ: Զրույցը տևել է ավելի քան 35 րոպե, ըստ նրա, եղել է աշխատանքային ու  անկեղծ: