Այսօր մեկնարկում է Թրամփի իմփիչմենթի երկրորդ գործընթացը
Այսօր ԱՄՆ-ում մեկնարկում է երկրի նախկին նախագահ Դոնալդ Թրամփի իմփիչմենթի երկրորդ գործընթացը այն բանից հետո, երբ Սենատի անդամները համաձայնել են արագացնել այն: Այս մասին հայտնում է BBC-ն:
Սպիտակ տան նախկին ղեկավարը մեղադրվում է հունվարի 6-ին Կապիտոլիումի շենքում տեղի ունեցած խռովությունը հրահրելու համար:
Դեմոկրատները հայտարարել են, որ ԱՄՆ նախկին նախագահ Դոնալդ Թրամփի մեղքի ապացույցներ ունեն, սակայն Թրամփի փաստաբանները պնդում են, թե ապստամբներն անկախ են գործել: Դոնալդ Թրամփի փաստաբանների թիմն իմփիչմենթի գործընթացն անվանել է «անհեթեթություն և հակասահմանադրական»:
Դոնալդ Թրամփն ԱՄՆ միակ նախագահն է, որն իմփիչմենթի է ենթարկվում երկու անգամ, և երկրի պատմության մեջ իմփիչմենթի ենթարկված երեք ղեկավարներից մեկն է:
