Ադրբեջանում տեսնում ենք ֆաշիզմի ապացուցելի դրսևորումներ. վարչապետ Փաշինյան

Հայտնի դրոշմանիշի հրապարակումը, որտեղ Լեռնային Ղարաբաղը «ախտահանվում» է հայ բնակչությունից, ՀՀ վարչապետ Նիկոլ Փաշինյանն անընդունելի է համարում:

ԱԺ-ում հարցուպատասխանի ժամանակ նա նշեց, որ Ադրբեջանի ղեկավարությունը վերջերս հաճախ է խոսում հայկական ֆաշիզմի մասին: Նա ընդգծեց, որ ֆաշիզմի ապացուցելի դրսևորումներ տեսնում ենք Ադրբեջանում:

«Նմանատիպ դրոշմանիշ եղել է մեկ էլ Ֆաշիստական Գերմանիայում: Այդ փաստը խոսուն է», - ասաց գործադիրի ղեկավարը:

Վարչապետը չի կարծում, թե միայն կառավարությունն անելիք ունի այդ իրավիճակը կառավարելու համար: Նրա խոսքով՝ խորհրդարանն ու խորհրդարանական դիվանագիտությունը նույնպես անելիք ունեն:

Ըստ Փաշինյանի՝ այդ դրոշմանիշը հնարավորինս պետք է ի ցույց դնել միջազգային լայն շրջանակներում:

«Ադրբեջանը պետք է կողմնորոշվի՝ որ ճանապարհով է գնում: Մենք նույնպես պետք է կողնորոշվենք, թե որ ճանապարհով ենք գնում», - ասաց վարչապետը: