Ադրբեջանը և Պակիստանը քննարկել են համատեղ զորավարժությունների անցկացումը

Ադրբեջանի պաշտպանության փոխնախարար, ռազմաօդային ուժերի հրամանատար, գեներալ-լեյտենանտ Ռամիզ Թաիրովը հունվարի 11-ին բանակցություններ է վարել Ադրբեջանում գտնվող Պակիստանի ռազմաօդային ուժերի հրամանատար, ռազմաօդային ուժերի մարշալ Մուջահիդ Անվար Խանի հետ: Այս մասին տեղեկացնում են թելեգրամյան ալիքները: 

Թաիրովը գոհունակություն է հայտնել Պակիստանի ռազմաօդային ակադեմիայում ադրբեջանցի ռազմական օդաչուների պատրաստման կապակցությամբ՝ նշելով, որ երկու երկրների ռազմաօդային ուժերի միջև ռազմական կրթության և այլ ոլորտներում համագործակցության զարգացումը ամրապնդում է երկու երկրների բանակների մարտունակությունը: