Իրանում հայտնաբերվել են կորոնավիրուսի «բրիտանական» շտամի նոր դեպքեր

Իրանում արձանագրվել է կորոնավիրուսի «բրիտանական» շտամի չորս նոր դեպք, կիրակի օրը հայտարարել է երկրի առողջապահության նախարար Սաիդ Նամակին:

«Երեկ հաստատվել է չորս նոր դեպք», – ասել է նախարարը, որի մեկնաբանությունը հրապարակվել է երկրի կառավարության տեղեկատվական պորտալում: Ըստ Նամակիի՝ վարակվածները ընտանիքի անդամներ են, որոնք եկել են Եվրոպայից:

Այսպիսով, ընդհանուր առմամբ, երկրում հայտնաբերվել է կորոնավիրուսի նոր շտամի հինգ դեպք: Առաջին դեպքը գրանցվել է մի փոքր ավելի վաղ իրանցու մոտ, որն եկել էր Մեծ Բրիտանիայից: