Aegean Airlines-ը վերսկսում է թռիչքները դեպի Երևան
Թուրքիայի աջակցությամբ ադրբեջանական զինուժի և սիրիացի վարձկանների կողմից Արցախ ներխուժման պատճառով դադարեցվել էին ուղիղ չվերթերը Հունաստանի և Հայաստանի միջև, որոնք իրականացնում էին Aegean Airlines-ն ու Wizz Air-ը:
Սակայն նոյեմբերի 9-ին հրադադարի մասին պայմանագրի կնքումից հետո Հայաստանը դանդաղ վերադառնում է նորմալ կյանքի՝ գրում է greekcitytimes-ը:
Aegean ավիաընկերությունը զեղչված ավիատոմսերով Աթենքից Երևան թռիչքները վերսկսելու է մարտի 31-ից: Զեղչով տոմս գնել հնարավոր կլինի մինչ հունվարի 11-ը:
Լրատվական գործակալությունը խորհուրդ է տվել Հունաստանի սահմաններից դուրս արձակուրդ փնտրողներին քննարկել Հայաստան մեկնելու հարցը: Այդպես նրանք նաև կաջակցեն այդ երկրի տնտեսությանն ու ժողովրդին, որոնք տուժեցին Թուրքիայի հովանավորությամբ Ադրբեջանի կողմից Արցախ ներխուժումից հետո:
