ՌԴ-ում լազերային զենք են ստեղծում՝ անօդաչուների դեմ պայքարելու համար
ՌԴ պաշտպանության փոխնախարար Ալեքսեյ Կրիվորուչկոն հայտնել է, որ երկրում ստեղծվում են լազերային համալիրներ՝ անօդաչու թռչող սարքերի դեմ պայքարելու համար, գրում է Красная звезда թերթը:
«Ներկայում աշխատանքներ են տարվում այլ լազերային համալիրներ ստեղծելու ուղղությամբ՝ հակառակորդի անօդաչու թռչող սարքերին, ինչպես նաև օպտիկական և օպտիկա-էլեկտրոնային միջոցներին հակազդելու համար»,-հայտնել է Կրիվորուչկոն:
Նրա խոսքով՝ նաև ռադիոհաճախականության համալիր է մշակվում անօդաչու թռչող սարքերի էլեկտրոնային սարքավորումների ֆունկցիոնալ ոչնչացման համար:
