Լեռնային Ղարաբաղում իրականացվող ականազերծման աշխատանքների ընթացքում ավելի քան 10 հազար զինամթերք է հայտնաբերվել. ՌԴ ԱԻՆ

Լեռնային Ղարաբաղում ականազերծման աշխատանքներ իրականացնող ՌԴ ԱԻՆ աշխատակիցներն ավելի քան 10 հազար զինամթերք են հայտնաբերել, հաղորդում է ТАСС-ը:

«ՌԴ ԱԻՆ «Լիդեր» ստորաբաժանման մասնագետները Լեռնային Ղարաբաղում շուրջ 53 հա տարածք են ականազերծել»,- նշված է ՌԴ ԱԻՆ հաղորդագրությունում:

Նշվում է, որ ռուս խաղաղապահները իրավիճակի շուրջօրյա դիտարկում են անցկացնում և վերահսկողություն են իրականացնում հրադադարի ռեժիմի պահպանման նկատմամբ 23 դիտակետերում, ապահովում են քաղաքացիների անվտանգ վերադարձը իրենց բնակության վայրեր, տրամադրում են մարդասիրական օգնություն և վերականգնում են քաղաքացիական ենթակառուցվածքները: