Ռուսական բանակը չի կարող զիջել այլ երկրների բանակներին. Պուտին
«Մենք բոլորս գիտենք, որ պետք է հաշիվ տանք մեզ այն մասին, որ աշխարհի բանակները հսկայական, մեզ հետ անհամեմատելի ռեսուրսներ են ծախսում, որ ապահովեն իրենք գերազանցությունը: Մենք չենք կարող զիջել նրանց ոչնչում»,- ТАСС գործակալության փոխանցմամբ՝ այս մասին ՌԴ նախագահը հայտարարել է ՊՆ կոլեգիայի նիստում:
Նա հիշեցրել է ժողովրդական խոսքը, որի համաձայն՝ «ամենավատը հետևից հասնելն ու խնդրելն է»: «Եթե մենք կրկին ստիպված չլինենք հասնել, ապա խնդրելու կարիք էլ չի լինի»,- շեշտել է Պուտինը:
Պուտինն ընդգծել է, որ պաշտպանության նախարարության գլխավոր խնդիրը «երկրի պաշտունակությունն ապահովելն է»: «Այստեղ շատ կարևոր է, որ փոփոխությունների արագությունը գիտատեխնիկական ոլորտում չափազանց բարձր է, շատ կարևոր է ոչինչ բաց չթողնել, ուշադիր հետևել այն ամենին, թե ինչ հնարավորություններ են բացվում զարգացման առնչությամբ: Այո, մենք խոսում ենք, և ես հպարտությամբ կրկնում եմ, որ մենք ունենք այնպիսի սպառազինում, որոնք աշխարհում չկան, առաջին հերթին խոսքը գերձայնային զենքի մասին է»,- հավելել է ՌԴ ղեկավարը:
Այս մասին ասելով՝ Պուտինը հայտնել է «Ավանգարդ» գերձայնային համակարգերը հեռանկարային հրթիռային համալիրներում տեղադրելու մտադրության մասին:
