Իրանի ԱԳՆ-ն ողջունել է հրադադարն ու Ադրբեջանի «տարածքային ամբողջականության վերականգնումը»
Իրանը ողջունում է Լեռնային Ղարաբաղում ռազմական գործողությունների դադարեցումն ու Ադրբեջանի «տարածքային ամբողջականության վերականգնումը»։ Այս մասին հայտարարել է Իրանի ԱԳ նախարար Մոհամմադ Ջավադ Զարիֆը։ «Ուրախ եմ հյուրընկալել Ադրբեջանի արտգործնախարարին՝ Ջեյհուն Բայրամովին։ Ողջունում են ռազմական գործողությունների ավարտը և Ադրբեջանի տարածքային ամբողջականության վերականգնումը: Մենք արդյունավետ բանակցություններ ունեցանք երկկողմ համապարփակ համագործակցության հետագա զարգացման վերաբերյալ՝ ներառյալ պատերազմական գոտիների վերակառուցումը, Հյուսիս-հարավային միջանցքը, Կասպյան էներգետիկ ռեսուրսները և այլն»,-Թվիթերի իր էջում գրել է Իրանի Արտաքին գործերի նախարար Ջավադ Զարիֆը:
