Լուրը չի համապատասխանում իրականությանը. Թուրքական Bayraktar TB-2 մարտական անօդաչուն չի շրջում Շիրակի օդանավակայանի մերձակայքում

Թուրքական թռչող օբյեկտը` ամենայն հավանականությամբ, Bayraktar  մարտական անօդաչու ինքնաթիռը, այժմ շրջում է Գյումրիի Շիրակի օդանավակայանի մերձակայքում, ամենայն հավանականությամբ, դիտում է հայկական օդուժի շարժումը։

Այս մասին տեղեկացնում ենք Razminfo-ի թվիթերյան էջից։ 

Auroranews-ը տեղեկատվության հավաստիությունը ճշտելու նպատակով  զրուցեց ՊՆ ներկայացուցիչ Արծրուն Հովհաննիսյանի հետ, որը մեր հարցին, թե տեղյակ է հրապարակման  մասին արձագանքեց` «ոչ»: 

Կապ հաստատեցինք Շիրակի մարզպետի օգնական Էմմա Բաղդասարյանի հետ:  Նա մեզ հետ զրույցում հայտնեց, որ չի տիրապետում նման տեղեկատվության, սակայն հնարավորինս շուտ կճշտեն լուրի իսկությունը: 

Քիչ անց  Բաղդասարյանը հայտնեց, որ  նման տեղեկատվություն չկա, բաբամասանքի մակարդակի խոսակցություններ են, այս մասին նրան հայտնել են Շիրակի օդանավակայանից: