Մեդիադաշտին թախանձագին խնդրում եմ. ադրբեջանական կայքերից թարգմանաբար ոչ մի լուր չբերեք, որքան էլ այն սենսացիոն թվա. փորձագետ Կարեն Հովհաննիսյան
«Մեդիադաշտին թախանձագին խնդրում եմ։ Այս շրջանում ադրբեջանական կայքերից թարգմանաբար ոչ մի լուր չբերեք, որքան էլ այն սենսացիոն թվա, որքան էլ այն առաջին հայացքից անմեղ և անկողմնակալ թվա, ոչ մի տեսակի լուր չբերեք։
Սոցտիրույթենրի օգտատերերին ևս խնդրում եմ, որ չտարածեն ոչ մի տեսակի ոչ պաշտոնական տեղեկատվություն , լուր, տեսանյութ, նկար։
Ամենակարևորն այն է, որ մեր հասարակությունը խուճապի չմատնվի ։ Կռվի մեջ գաթա չեն բաժանում։ Ցավոք սրտի կլինեն զոհեր, վիրավորներ, ավերածություններ, բայց մենք դա տեսել ենք 90-ականներին, տեսել ենք 2016-ին, տեսել ենք հուլիսյանին, բայց այս անգամ հաղթական խաղաղություն ենք պարտադրելու։ Հայոց բանակին ուժ ու կորով, Հայոց պետականությանն ուժ ու կորով», ՖԲ էջում գրել է ռազմական փորձագետ Կարեն Հովհաննիսյանը:
