Սխալ եմ գործել, արժանի եմ պատժի. Անխել Դի Մարիա

ՊՍԺ-ի կիսապաշտպան Անխել Դի Մարիան մեկնաբանել է «Մարսելի» պաշտպան Ալվարո Գոնսալեսի վրա թքելու համար իրեն 4 խաղով որակազրկելու մասին որոշումը: Այն կայացրել էր Ֆրանսիայի Պրոֆեսիոնալ ֆուտբոլային լիգայի կարգապահական կոմիտեն: Միջադեպը տեղի էր ունեցել Լիգա 1-ի 3-րդ տուրի «Մարսելի» դեմ խաղում:

«Քանի որ մի ամբողջ շաբաթ չենք խաղում, որակազրկումն ավելի երկար կտևի: Իմ գործողությունները լսածս բառերի հանդեպ արձագանքս էին: Դրանք ինձ դուր չեկան: Պիտի պատասխանատվություն կրեմ: Սխալ եմ գործել: Արժանի պատիժ է: Հասկանում եմ կորոնավիրուսի հետ կապված իրավիճակը: Ինձ նաև ասել են, որ լսել են իմ տեսակետը»,- Դի Մարիայի խոսքերն է փոխանցում radiocut.fm-ը: