ՏԵՍԱՆՅՈՒԹ. Նովակ Ջոկովիչը որակազրկվել է
Աշխարհի առաջին ռակետ Նովակ Ջոկովիչը որակազրկվել է թենիսի ԱՄՆ-ի բաց առաջնության 1/8 եզրափակիչ խաղում ոչ սպորտային պահվածքի համար։
Առաջին սեթում մատուցումից առաջ գնդակ ընտրելիս Նովակ Ջոկովիչը գնդակով հարվածել է գծային մրցավարին։
Նա ընկել է: Մրցավարները որոշել են սերբ թենիսիստին գրանցել պարտություն՝ նշելով, որ այդ փաստն ագրեսիայի առաջին դեպքը չէ հանդիպման ժամանակ:
Որակազրկման հետևանքով հանրահայտ մարզիկը կորցնելու է բոլոր միավորները, որոնք վաստակել էր US Open-ում և մրցաշարում ստացած դրամական բոլոր պարգևները:
Ավելի ուշ Ջոկովիչը հայտնել է, որ «տեղի ունեցածից պետք է դաս քաղի, որպեսզի դառնա ավելի լավը որպես մարզիկ և որպես մարդ»:
