Ռուսաստանում ուսումնական թռիչքի ժամանակ կործանված Սու-30 ինքնաթիռը, ուսումնական վարժանքի ժամանակ պատահաբար խոցվել է մեկ այլ օդանավի կողմից
ՌԴ Տվերի մարզում երեքշաբթի վթարված Սու-30 կործանիչը, նախնական տվյալներով, պատահաբար խոցվել է մեկ այլ ինքնաթիռի կողմից ուսումնավարժանքների ժամանակ:
Ինչպես փոխանցում է ТАСС գործակալությունը՝ հղում անելով մարզային արտակարգ ծառայություններին, վթարի պատճառը վարժանքների ժամանակ Սու-30-ի պատահական խոցումն է արկով: Հարվածն իրականացվել է մեկ այլ ինքնաթիռի կողմից:
Հիշեցնենք, որ ՌԴ Արևմտյան ռազմական շրջանի հաղորդմամբ՝ նսխօրեին ինքնաթիռն ընկել էր ուսումնական թռիչքի ժամանակ: Անձնակազմը հասցրել է ինքնանետում իրականացնել: Աղբյուրի տվյալներով՝ օդաչուների վիճակը բավարար է:
Հայտնի է, որ օդանավն ընկել է անտառը: Միջադեպի հետևանքով կործանումներ տեղի չեն ունեցել:
