«Վրացական երազանքը» վարչապետի պաշտոնում կառաջադրի Գիորգի Գախարիային
«Վրացական երազանքն» այսօր ներկայացրել է հոկտեմբերի 31-ին կայանալիք խորհրդարանական ընտրությունների ընտրական ցուցակի առաջին քսանյակին: Ցուցակի առաջին հորիզոնականում առաջադրվել է գործող վարչապետ Գիորգի Գախարիան։
«Վրացական երազանք» կուսակցությունը խորհրդարանական ընտրություններին հաղթելու դեպքում որպես վարչապետի թեկնածու կառաջադրի գործող վարչապետ Գիորգի Գախարիային, իսկ 10-րդ գումարման խորհրդարանի նախագահի թեկնածուն կլինի Արչիլ Թալակվաձեն (գործող նախագահը):
«Վրացական երազանք» կուսակցությունն ավելի վաղ Ախալքալաքի և Նինոծմինդայում որպես մեծամասնական պատգամավորի թեկնածու առաջադրել էր գործող պատգամավոր, «Վրացական երազանք» կուսակցության ցուցակով ընտրված Սամվել Մանուկյանին:
Վրաստանում 2020 թվականի խորհրդարանական ընտրությունները տեղի կունենան հոկտեմբերի 31-ին: Վերջերս ընդունված սահմանադրական փոփոխությունների արդյունքում Վրաստանի նոր խորհրդարանը կձևավորվի 120 համամասնական, 30 մեծամասնական կարգով ընտրված պատգամավորներից:
