31-ամյա վարորդը Nissan March-ով, մի քանի պտույտ շրջվելով, գլխիվայր հայտնվել է դաշտում
Երեկ, սեպտեմբերի 7-ին, խոշոր ավտովթար է տեղի ունեցել Գեղարքունիքի մարզում։ Ինչպես հայտնում է Shamshyan.com-ը, ժամը 16։20-ի սահմաններում Երևանի բնակիչ 31-ամյա Շողիկ Հ.-ն իր վարած Nissan March մակնիշի ավտոմեքենայով Սևան-Մարտունի-Գետափ ավտոճանապարհի 24.5-րդ կմ հատվածում, դեռևս անհայտ հանգամանքներում, դուրս է եկել ճանապարհի երթևեկելի գոտուց և գլխիվայր հայտնվել ձորակում։
Վթարի հետևանքով Շողիկ Հ.-ն և նրա ուղևոր՝ Երևանի բնակիչ՝ 7-ամյա Է.Ն.-ն մարմնական վնասվածքներով տեղափոխվել են «Գավառ» բժշկական կենտրոն։ Փաստի առթիվ նյութեր են նախապատրաստվում։
