ՏԵՍԱՆՅՈՒԹ. Քոչարյանը շատ ընդհանրություններ է տեսնում ՀՀ-ում 2018-ի բողոքի ցույցերի և Բելառուսում իրավիճակի միջև
Ռոբերտ Քոչարյանի հարցազրույցը ռուսական РБК հեռուստաընկերությանը: «Ավելի հեշտ կլիներ ասել, որ չի հիշեցնում»,- հարցազրույցում նկատել է պետության նախկին ղեկավարը:
Թվարկելով տարբերությունները` Քոչարյանը ուշադրություն հրավիրել եվրոպական երկրների դիրքորոշման վրա, որը տարբերվում էր այն ժամանակ Հայաստանի, իսկ այժմ` Բելառուսի նկատմամբ:
«Արեւմտյան երկրների վերաբերմունքը Բելառուսի նկատմամբ բոլորովին այլ էր Հայաստանի նկատմամբ արեւտյան երկրների վերաբերմունքից: Հայաստանի իշխանություններն օբյեկտիվորեն շատ ավելի հանդուրժող էին այլախոհության նկատմամբ, Հայաստանի հանրապետական կուսակցությունը (ՀՀԿ) եւ նախագահն ակտիվորեն համագործակցում էին արեւմտյան երկրների հետ, մենք չունեինք քաղբանտարկյալներ, լրագրողների ծեծեր եւ խորհրդավոր անհետացումներ: Ավելին, ՀՀԿ-ն Եվրոպական ժողովրդական կուսակցության անդամ էր, ակտիվորեն համագործակցում էր միջկուսակցական փոխգործակցության ինստիտուտների հետ»,- ասել է Քոչարյանը:
Սակայն 2018-ի ապրիլին բողոքի ցույցերի բռնկմամբ Եվրոպայի հետ հարաբերությունները կտրուկ փոխվեցին, ասել է Քոչարյանը:
