Թունավորումից մահացած 11 քաղաքացին օղին ձեռք էին բերել «Կոնյակի Աշոտից»
Ինչպես արդեն հայտնել ենք, օգոստոսի 31-ից սեպտեմբերի 1-ն ընկած ժամանակահատվածում «ալկոհոլային ինտոքսիկացիայից» 11 քաղաքացի է մահացել։
ArmDaily.am-ի տեղեկություններով` Աշոտ Հովսեփյանը երկար տարիներ ոգելից խմիչք է վաճառում Արմավիր քաղաքի Հանրապետության փողոցում գտնվող իր տանը գտնվող փոքրիկ խանութում։ Արմավիրում ամենահայտնի խմիչք վաճառողներից է, հայտնի է «Կոնյակ ծախող Աշոտ» կամ «Կոնյակի Աշոտ» անունով։ Վերջինս խմիչքը վաճառում է լիտրով։
Նշենք, որ Աշոտ Հովսեփյանը ձերբակալված է։
Ավելի վաղը տեղեկացրել էինք, որ Քննչական կոմիտեն հայտարարություն էր տարածել, որ քաղաքացիները օղին ձեռք են բերել Արմավիր քաղաքի բնակիչ Աշոտ Հովսեփյանից։
