Պուտինն անընդունելի է համարում Բելառուսի գործերին միջամտելու ցանկացած փորձ
Ռուսաստանի Դաշնության նախագահ Վլադիմիր Պուտինը Գերմանիայի կանցլեր Անգելա Մերկելի հետ ունեցած հեռախոսազրույցում շեշտել է Բելառուսի գործերին ցանկացած միջամտության անընդունելի լինելը, գրում է Կրեմլի մամուլի ծառայությունը:
«Ռուսական կողմը շեշտում է հանրապետության ներքին գործերին դրսից միջամտելու ցանկացած փորձի անընդունելիությունը, ինչը կարող է հանգեցնել ճգնաժամի հետագա սրացման»,- ասվում է հաղորդագրության մեջ:
