12:00 Լուրերը մեկ տողով. Մարզպետների վերանշանակումներ, արտահանման նոր ցուցանիշներ

Անցած ժամվա լուրերը՝ հակիրճ և բովանդակային.

• Կառավարությունը նախատեսում է վերանշանակել Հայաստանի ինը մարզերի գործող մարզպետներին։

• Հայաստանից գյուղատնտեսական արտադրանքի արտահանման աշխարհագրությունն ընդլայնվում է, իսկ հուլիսին զգալի ծավալներով արտահանվել են պղպեղ, լոլիկ և ծաղիկներ։

• Կառավարությունը սահմանել է արտերկրում բնակվող Հայաստանի քաղաքացի երեխաների՝ օտարերկրացիների կողմից որդեգրման նախնական համաձայնության տրամադրման կարգը։

• Կառավարությունը 18 մլն դրամ է հատկացրել 44-օրյա պատերազմի հետևանքով անհետ կորած 20 զինծառայողների ընտանիքների սոցիալական աջակցությունը ևս երեք ամիս շարունակելու համար։

• Վրաստանի վարչապետը կարևորել է Ադրբեջանի, Վրաստանի և Թուրքիայի միջև ռազմավարական ու տրանսպորտային կապերի հետագա ամրապնդումը։

• Իրանի արտգործնախարարը Ֆրանսիային մեղադրել է մարդու իրավունքների հարցում երկակի ստանդարտներ կիրառելու մեջ։

• Օդեսայի մարզում ռուսական ԱԹՍ-ի հարվածից ուղևորատար գնացքի մեքենավարն ու նրա օգնականը զոհվել են, իսկ 340 ուղևորները անվտանգ տարհանվել են։