Զինծառայողի մահվան դեպքից հետո կադրային փոփոխություններ կլինեն․ Փաշինյան

Օգոստոսի 13-ին ՊՆ N զորամասի զինծառայող Գրիգոր Էդգարի Զաքարյանի դին հայտնաբերվել է հրազենային վնասվածքով։ Դեպքի հանգամանքները պարզելու նպատակով քննություն է ընթանում։

Դեպքին անդրադարձել է վարչապետ Նիկոլ Փաշինյանը՝ նշելով, որ առաջիկայում պատասխանատուների նկատմամբ կլինեն կադրային լուծումներ։

«Ես որոշում արդեն կայացրել եմ․ ռազմական ոստիկանությունում փոփոխություն կլինի, բարոյահոգեբանական ապահովման վարչությունում փոփոխություն կունենանք։ Մանրամասն կվերլուծենք, թե ինչու այդ ուղղությամբ գործադրած ջանքերը մեզ համար ցանկալի արդյունքներ չեն տալիս։ Հետևություններ կարվեն, և, այո՛, պետք է լինի անհատական պատասխանատվություն»,- ասել է Փաշինյանը։

Միաժամանակ վարչապետը նշել է, որ իր գնահատականը չէ, թե Գլխավոր շտաբի պետն ու պաշտպանության նախարարը բավարար ջանքեր չեն գործադրում խնդրի կարգավորման ուղղությամբ։

Պաշտպանության նախարարությունը վշտակցություն և զորակցություն է հայտնել զինծառայողի ընտանիքի անդամներին, հարազատներին ու ծառայակիցներին։