18:00 Լուրերը մեկ տողով. Ալեն Սիմոնյանը մեկնաբանել է իր նոր պաշտոնը. ապաստան հայցողների նոր կացարան

Անցած ժամվա լուրերը՝ հակիրճ և բովանդակային.

•Կառավարության որոշմամբ Կոտայքի մարզի Աբովյան քաղաքում ավելի քան 313 միլիոն դրամ արժողությամբ գույք է հատկացվել Հայաստանում ապաստան հայցող անձանց համար միջազգային չափանիշներին համապատասխանող նոր հատուկ կացարան կառուցելու նպատակով:

•Անվտանգության խորհրդի քարտուղար նշանակված Ալեն Սիմոնյանը մեկնաբանել է իր նոր պաշտոնը՝ այն անվանելով թիմային որոշում, ինչպես նաև դրական է գնահատել ընդդիմության վերադարձը խորհրդարանական աշխատանքներին և հույս հայտնել նպաստել Ռուսաստանի հետ հարաբերությունների լավացմանը:

•Մոսկվայում Պակիստանի դեսպանը հայտնել է, որ Իրանն ու ԱՄՆ-ն շարունակում են փակ դռների հետևում բանակցություններ վարել, որոնցում արձանագրվում է առաջընթաց:

•Եվրոստատի տվյալներով՝ ուկրաինացի փախստականները զանգվածաբար լքում են Լեհաստանը՝ հիմնականում տեղափոխվելով Իտալիա, Չեխիա և Գերմանիա:

•Էտնա հրաբխի շարունակվող ժայթքման և ավիահաղորդակցության խափանման պատճառով Սիցիլիայի զբոսաշրջության ոլորտի վնասը կարող է հասնել տասնյակ միլիոնավոր եվրոների:

•ԱՄՆ Դաշնային ավիացիոն իշխանությունները ծրագրում են խստացնել և փոխել օդային երթևեկության կանոնները Վաշինգտոնի օդանավակայանի մոտակայքում նախագահական ուղղաթիռի հետ կապված միջադեպից հետո: