Քաղաքականություն

Երևանը նոր փողոց կունենա՝ «COP17»․ Փաշինյան

Երևանը նոր փողոց կունենա՝ «COP17»․ Փաշինյան
Երևանը նոր փողոց կունենա, որը, վարչապետ Նիկոլ Փաշինյանի առաջարկով, կկոչվի «COP17»։Այս մասին Փաշինյանը հայտարարել է կառավարության նիստի ժամանակ՝ անդրադառնալով 2026 թվականի հոկտեմբերի 13-30-ը Երևանում…


Երևանը նոր փողոց կունենա, որը, վարչապետ Նիկոլ Փաշինյանի առաջարկով, կկոչվի «COP17»։




Այս մասին Փաշինյանը հայտարարել է կառավարության նիստի ժամանակ՝ անդրադառնալով 2026 թվականի հոկտեմբերի 13-30-ը Երևանում անցկացվելիք COP17-ի նախապատրաստական աշխատանքներին։




Նրա խոսքով՝ աշխատանքների ընթացքում պարզվել է, որ Հաղթանակի կամուրջը Արշակունյաց պողոտային միացնող՝ երկար տարիներ չգործող ճանապարհ կա, որը այժմ վերականգնվում է։




«Կազմակերպչական աշխատանքների արդյունքում Երևանը նոր փողոց կունենա, և ես առաջարկել եմ, որ Երևանի քաղաքապետարանի մեր գործընկերներն այդ փողոցն անվանեն COP17-ի փողոց՝ որպես այդ միջոցառման նշանավորում»,- ասել է Փաշինյանը։



Վարչապետը նշել է, որ տարածքում վերականգնվում են նաև ճանապարհներն ու մայթերը, և COP17-ի անցկացումը կարևորել է Հայաստանի միջազգային տեսանելիությունն ու ճանաչելիությունը բարձրացնելու տեսանկյունից։




Միաժամանակ կառավարության նիստում որոշում է ընդունվել COP17-ի կազմակերպման համար պահուստային ֆոնդից ևս 2 մլրդ 640,8 մլն դրամ հատկացնել։

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7688) Միջազգային (3420) ԱՄՆ (2315) Ռուսաստան (2141) Իրան (1754) Ընտրություններ (1275) Ուկրաինա (843) Երևան (808) Իսրայել (761) Ադրբեջան (646) Փաշինյան (568) Եվրոպա (515) Ազգային ժողով (456) Ընդդիմություն (453) Թրամփ (436)

Radio Aurora

Լսել Radio Aurora

Գովազդային տարածք

300x250