Մենք հայ համայնքի կողքին ենք ընդդեմ բռնության. Լոս Անջելեսի քաղաքապետ

Բարձր տեխնոլոգիական արդյունաբերության նախարար Հակոբ Արշակյանը իր ֆեյսբուքյան էջում տարածել է Լոս Անջելեսի քաղաքապետի թվիթերյան գրառումը՝ կապված ադրբեջանական ագրեսիայի հետ:

Գրառման մեջ մասնավորապես նշվում է.

«Մենք հայ համայնքի կողքին ենք ընդդեմ բռնության և կոչ ենք անում Ադրբեջանին դադարեցնել սադրիչ հայտարարությունները հայկական ատոմակայանի ռմբակոծման հետ կապված»:

Լոս Անջելեսի քաղաքապետը նաև նշել է, որ երկխոսությունը և դիվանագիտությունն են միակ ուղին՝ տարածաշրջանում հասնելու խաղաղության ու անվտանգության: