Արագածոտնի մարզպետարանում կորոնավիրուսով վարակվել է 6 աշխատակից
Արագածոտնի մարզպետարանի աշխատակազմում կորոնավիրուսով վարակվել է 6 անձ, որոնցից մեկը վարչության պետ է, մեկը՝ բաժնի պետ, իսկ մյուսները՝ մասնագետ:
Արագածոտնի մարզպետի օգնական Մերի Բադալյանը «Հետք»-ին տեղեկացրել է, որ վարակվածներից 2-ն ամբողջությամբ ապաքինվել են և վերադարձել աշխատանքի, իսկ մյուս 4 աշխատակիցները, թեև ապաքինվել են, սական մի քանի օր կինքնամեկուսանան, որպեսզի իսպառ չեզոքացնեն վարակելու հավանականությունը:
Դեռ ինքնամեկուսացած է վարչություններից մեկի պետը:
Բացի 6 վարարակակիրներից, մարզպետարանի ևս 6 աշխատակիցներ ինքնամեկուսացել էին, քանի որ «կոնտակտավոր» էին: Մերի Բադալյանը նշեց, որ 4 վարարակիրներից բացի, մյուս բոլոր ինքնամեկուսացածներն արդեն վերադարձել են աշխատանքի:
