ՏԵՍԱՆՅՈՒԹ. Վարչապետն իրավունք ունի ծաղիկներ խոնարհելու, մենք՝ ո՞չ. լարված իրավիճակ՝ Ծիծեռնակաբերդի մոտ
Ծիծեռնակաբերդ տանող մուտքի մոտ մի խումբ քաղաքացիներ Արայիկ Խանդոյանի եղբայր՝ Արարատ Խանդոյանի գլխավորությամբ փորձել են բարձրանալ Ծիծեռնակաբարդի հուշահամալիր, սակայն ոստիկանները նրանց թույլ չեն տվել:
«Վարչապետին կարելի է, մեզ ո՞չ: Ինքը իրավունք ունի ծաղիկներ խոնարհելու, մենք՝ ո՞չ: Ոստիկանները փորձում են ինձ ահաբեկել վարչական իրավախախտումների ակտով»,- ասաց Խանդոյանը
Ոստիկանները պարզաբանեցին, որ Խանդոյանը խախտել է արտակարգ դրության իրավական ռեժիմը, հետեւաբարվարչական արձանագրություն է կազմվում:
«Այն, որ թերթիկում նշված է, որ գնում է հարգանքի տուրք մատուցելու, չի տեղավորվում պարետի ու պարետատան կողմից ներկայացված բացառություններում»,-ասաց ոստիկանության ներկայացուցիչը՝ հավելելով, որ եթե արձանագրություն կազմելուց հետո էլ նա չհեռանա, ապա հարկադրանիք այլ միջոցներ կկիրառվեն՝ ոստիկանության պահանջը չկատարելու համար:
