Վարդենիս քաղաքը փակ է. կորոնավիրուսով վարակված բժիշկը մի քանի օր հիվանդ գործի է գնացել
Վարդենիս քաղաքը փակ է, դեպի քաղաք ելումուտն արգելված է: Գեղարքունիքի մարզի վարակակիրը Վարդենիսի պոլիկլինիկայի բժշկուհիներից է, որը վերջին օրերին հիվանդ է եղել, բայց շարունակել է աշխատանքի հաճախել: Այս մասին գրում է 24News-ը։
Ըստ կայքի տեղեկությունների բուժհաստատությունը, որտեղ աշխատել է վարակակիրը, ախտահանումից հետո շարունակում է աշխատանքը, նույն աշխատասենյակում վարակակրի հետ շփում ունեցածները մեկուսացվել են:
Ավելի վաղ Գեղարքունիքի մարզպետը ֆեյսբուքյան էջում գրառում էր արել՝ տեղեկացնելով, որ մարզում վարակման առաջին դեպքն է գրանցվել: Ըստ մեր տեղեկությունների՝ վարակակիրը Վարդենիսի բնակիչն է:
«Ցավով պետք է արձանագրենք, որ մարզում կորոնավիրուսով վարակվածության 1 դեպքն է գրանցվել։ Աշխատանքներ են տարվում շփման շրջանակը պարզելու և ըստ բժշկական ցուցումների՝ համապատասխան ընթացք տալու համար»,- գրել էր նա։
