Անվճար դասընթաց կկազմակերպվի ՊԵԿ-ում աշխատանքի ընդունվելու համար
ՀՀ ՊԵԿ Ուսումնական կենտրոնը ՊԵԿ Հետաքննության և օպերատիվ-հետախուզության վարչությունում աշխատանքի ընդունվելու համար կազմակերպում է անվճար նախապատրաստական դասընթաց` երկուսից երեք ամիս տևողությամբ: Այս մասին տեղեկացնում է ՊԵԿ լրատվական ծառայությունը:
Դասընթացի տեսական փուլը բարեհաջող ավարտելուց հետո մասնակիցները կանցնեն մեկամսյա փորձաշրջան ՀՀ ՊԵԿ Հետաքննության և օպերատիվ-հետախուզության վարչության օպերատիվ տարբեր ստորաբաժանումներում: Դասընթացի ավարտից հետո թեկնածուները կմասնակցեն համապատասխան թափուր հաստիքների մրցույթին: Մրցույթը հայտարարվելու է ինչպես Երևան քաղաքի, այնպես էլ տարբեր մարզերի համապատասխան օպերատիվ բաժինները համալրելու համար։
Դասընթացին կարող են մասնակցել իրավաբանի կամ տնտեսագետի մասնագիտությամբ բակալավրի որակավորում ունեցող (պետական կամ ՀՀ հավատարմագրված ԲՈՒՀ-երի), անգլերեն և ռուսերեն լեզուներին բավարար տիրապետող ՀՀ քաղաքացիները։ Կարող են դիմել նաև ավարտական կուրսում սովորող ուսանողները՝ համալսարանից հավաստող փաստաթուղթը ներկայացնելու պայմանով։
Դասընթացին մասնակցել ցանկացողները կարող են իրենց ինքնակենսագրականը (կից ձևաչափով), անձնագրի և դիպլոմի պատճենները ուղարկել էլեկտրոնային փոստի հետևյալ հասցեին` [email protected] մինչև 2020թ-ի մայիսի 10-ը (փաստաթղթերն ընդունվում են բացառապես էլեկտրոնային եղանակով): Փաստաթղթերի նախնական ուսումնասիրության արդյունքում դիմողները կանցնեն հարցազրույց, որի արդյունքում ընտրված դիմորդները կընդգրկվեն դասընթացի մասնակիցների ցանկում: Դասընթացի մեկնարկի մասին լրացուցիչ կտեղեկացվի:
Լրացուցիչ տեղեկատվության համար կարելի է զանգահարել 060 544 988, 060 544 951 հեռախոսահամարներով:
