Կորոնավիրուս է հայտնաբերվել Երևանի արտադրական ձեռնարկություններից մեկի աշխատակցի մոտ. վարչապետ

Կորանավիրուսով  վարակվածության դեպք է արձանագրվել նաև Երևանի արտադրական ձեռնարկություններից մեկում: Այս մասին քիչ առաջ ուղիղ եթերի ժամանակ հայտարարեց ՀՀ վարչապետ Նիկոլ Փաշինյանը։ 

Նա հայտնեց, որ գիշերվանից դեռ նոր դեպքերի մասին տվյալներ չկան, սակայն նորություն է այն, որ երեկվա հայտարարված 28 անձանցից 1-ը Երեւանի արտադրական ձեռնարկություններից մեկի աշխատակից է: Նրա աշխատանքային գործընկերներն ու ձեռնարկության աշխատակիցները մեկուսացվում են:

«Գիշերն աշխատանքներ են տարվել այդ ձեռնարկության աշխատակիցների շրջանում՝ հասկանալու՝ ովքեր են կոնտակտավորները, որպեսզի նրանց մեկուսացնենք։ Մեկուսացման աշխատանքներն իրականացվել են և իրականացվում են»,- ասաց վարչապետը: