Ի՞նչ անի խեղճ տղան. Գևորգ Պետրոսյանը՝ վարչապետից տուն խնդրած տղամարդու մասին
ԲՀԿ խմբակցության պատգամավոր Գեւորգ Պետրոսյանը Facebook-ի իր էջում անդրադարձել է ՀՀ վարչապետ Նիկոլ Փաշինյանի՝ Լոռու մարզում քարոզարշավի ժամանակ գյուղացուն արած հայտարարությանը, թե «Ձեռդ, ոտդ տեղը առողջ տղա ես, գնա մի հատ բան մտածի, աշխատի, տուն ստեղծի»:
Պատգամավորը, մասնավորպես, նշել է.
«Շաբաթվա խորհուրդը...
«Ձեռդ, ոտդ տեղը առողջ տղա ես, գնա մի հատ բան մտածի, աշխատի, տուն ստեղծի…»
Եվ սա ասվում է տնակում ապրող գյուղացուն... Դե պարզ ա, ակնարկն ուղղված է նաեւ գիտնականին, մանկավարժին, արվեստագետին ու այդպես շարունակ:
Ի՞նչ անի խեղճ տղան, ով, հավանաբար, չէր իմանում, որ աղքատությունը պետք է հաղթահարել սեփական գլխում:
Դե իսկ (իրեն սոցիալական հռչակող պետության) կառավարության դերն էլ ոչ թե քաղաքացուն աշխատանքով ապահովելն է, այլ նրա գլխում աղքատությունը հաղթահարելու գաղափարը սերմանելն ու զարգացնելն է»:
Բա հիմա ո՞նց չասես՝ «էտ Ամենայն Հայոց անբան դատավորն ու մի քանի անբան նախարարներն ի՞նչ են արել եւ անում, որ վայելում են կյանքի թանկ վայելքները»:
