Աբովյանում քաղաքապետարանի աշխատակիցը Toyota-ով վրաերթի է ենթարկել 5-րդ դասարանի աշակերտուհուն
Երեկ՝ մարտի 2-ին, վրաերթ է տեղի ունեցել Կոտայքի մարզում։ Ժամը 14։00-ի սահմաններում Աբովյան քաղաքի բնակիչ՝ 44-ամյա Կարեն Գրիգորյանը իր վարած Toyօta Camry մակնիշի 35 ԼQ 015 համարանիշի ավտոմեքենայով Աբովյան քաղաքի Էլարի փողոցում վրաերթի է ենթարկել հետիոտն՝ 11-ամյա Սյուզաննա Բ-ին։ Ինչպես հայտնում է shamshyan.com-ը, արորդը փախուստի չի դիմել, օգնել է երեխայյն տեղափոխել «Աբովյան» բժշկական կենտրոն, որից հետո ահազանգել է ոստիկանության Կոտայքի բաժին։
Գ. Շամշյանի տեղեկություններով՝ վարորդ Կ. Գրիգորյանն աշխատում է Աբովյանի քաղաքապետարանում՝ քաղաքաշինության բաժնում՝ որպես 2-րդ կարգի մասնագետ, իսկ վրաերթի եթնարկված երեխան սովորում է Աբովյանի թիվ 2 հիմնական դպրոցում։ Երեխայի կյանքին և առողջությանը վտանգ չի սպառնում։
