Քաշքշուկ, լարված վիճակ Մալաթիա-Սեբաստիայում

Այսօր առավոտից բողոքի ակցիա են անում Երևանի Մալաթիա-Սեբաստիա վարչական շրջանի բնակիչները, որոնք դեմ են իրենց շենքի հարևանությամբ անցնող «Հյուսիս–Հարավ» ճանապարհի կառուցմանը:

Քիչ առաջ քաշքշուկ տեղի ունեցող ոստիկանների եւ բնակիչներից մի քանիսի միջեւ: Վերջիններս թույլ չէին տալիս քանդել իրենց ավտոտնակները:

Ոստիկանները հրելով դուրս բերեցին այդ տարածքից բնակիչներին:

Քաղաքացիներից մեկը նշեց, որ ավտոտնակի հետ կապված պայմանագիրը ստորագրելիս դրա պայմաններին չի ծանոթացել, իրեն փոխհատուցել են մոտ 3 000 000 դրամ՝ ավտոտնակի համար, մինչդեռ պետք է տրամադրեին նաեւ 600 000 դրամ, քանի որ ավտոտնակը նաեւ որպես արհեստանոց է ծառայել:

Տեղում բողոքի ակցիա իրականացնող քաղաքացիերի և ոստիկանների միջև բախում տեղի ունեցավ, զայրացած բնակիչները պահանջում են, որ քաղաքային իշխանությունները իրենց համար անվտանգության գոտի ապահովեն:

Այս պահին տեխնիկան շարունակում է քանդել ավտոտնակները։