ՏԵՍԱՆՅՈՒԹ. Զորամասը, իհարկե, էլիտար է, որովհետև էլիտար խնդիրներ է կատարում. ՀՀ ԶՈՒ ԳՇ պետը` Auroranews-ի հրապարակման մասին

Այսօր ԱԺ-ում Ապրիլյան պատերազմի հանգամանքները քննող հանձնաժողովի աշխատանքներին ներկա է եղել ՀՀ ԶՈՒ ԳՇ պետ Արտակ Դավթյանը: Հանձնաժողովի աշխատանքից հետո Դավթյանը պատասխանել է լրագրողների հարցին և անդրադարձել Auroranews-ի «Արցախի «էլիտար» զորամասը, բարձրաստիճան պաշտոնյաների որդիներն ու «ինքնասպանության» դեպքերը․ Ուշագրավ մանրամասներ»  վերտառությամբ հրապարակմանը: 

Լրագրողների հարցին ` տեղյակ է Auroranews -ի հայտնի  հրապարակմանը  թե մի շարք  բարձրաստիճան պաշտոնյաների որդիները,  այդ թվում` ԱԱԾ ռազմական հետախուզության պետի որդին ծառայում են նույն  զորամասում, և ինչպես է ստացվել,  որ նույն զորամասում են հավաքվել այդքան պաշտոնյաների որդիներ,  և արդյո՞ք այստեղ չկան կոռուպցիոն ռիսկեր, Դավթյանը պատասխանեց.

«Պատասխանեմ վերջին հարցին. ո'չ, կոռուպցիոն ռիսկ չեմ տեսնում: ԱԱԾ-ի տնօրենի տղեն իմ ենթակայության տակ չի, իսկ որտե՞ղ պետք է ծառայեր: Ցանկացած զորամասում եթե ծառայեր, նույն հարցը պետ է տայիք: Զորամասը, իհարկե, էլիտար է, որովհետև էլիտար խնդիրներ է կատարում: Առանձնանում է իր կրակային հզորությամբ և մարտական ծառայություն է կատարում այս պահին: Որտե՞ղ տանենք էդ զինվորներին, Արցախում են ծառայում ասում են Արցախում է,  ստեղ բերում ենք, ասում են` ստեղ են բերում»,-նշեց Դավթյանը: 

Դավթյանն իր խոսքում հայտնեց, որ զորամասում 1000 զինծառայող է ծառայում և նրանցից 2 կամ 3 հոգի ինչ-որ մեկի հետ կապված է լինում: 

«Այսօր դժվար թե գտնվի զորամաս, որում 2 կամ 3 հոգի կապված չլինի որևէ պաշտոնյայի հետ:  Եթե վերցնենք Հայաստանի ցանկացած  զորմասերից 10 զինվորի և  նրանից 2-ը կապված  լինի իմ հետ, գուցե բարեկամական կամ ազգակցական կապով, նույնը կարող է լինել ցանկացած պաշտոնյայի դեպքում»,-ասել է նա: 

Մանրամասները 24News-ի տեսանյութում: