Անընդունելի է. Մակունցը` Կարեն Սարուխանյանի հայտարարության մասին
ԱԺ «Իմ քայլը» խմբակցության ղեկավար Լիլիթ Մակունցն այսօր լրագրողների հետ հանդիպմանն անդրադարձել է պատգամավորներ Կարեն Սարուխանյանի և Սոֆյա Հովսեփյանի միջև եղած վիճաբանությանը: Նա Սարուխանյանի կողմից հնչեցրած արտահայտությունն անընդունելի է համարել և կարծում է, որ այդօրինակ դեպքերի հետևանքներից խուսափելու համար ԱԺ-ում պետք է ստեղծվի էթիկայի մշտական հանձնաժողով:
Հիշեցնենք, որ Սարուխանյանն անընդունելի էր համարել Մարալիկի ծննդատան վերաբերյալ Հովսեփյանի քննադատությունը և վերջում պատգամավորին ամուսնանալու խորհուրդ տվել:
Ավելի ուշ Սարուխանյանը ֆեյսբուքյան էջում կրկին անդրադարձել էր խնդրին և վերջում նշել, որ եթե իր խորհուրդը Հովսեփյանի մոտ սխալ է ընկալվել, ինքը ներողություն է խնդրում։
