Գագիկ Խաչատրյանի կալանավորման որոշումը բողոքարկվել է
ՀՀ ՊԵԿ նախկին նախագահ Գագիկ Խաչատրյանի կալանավորման երկարաձգման որոշումը պաշտպանական կողմը բողոքարկել է Վերաքննիչ դատարան: Այս մասին գրում է «Հայկական ժամանակ»-ը:
Բողոքը, սակայն, դեռևս չի քննվել:
Վերջին անգամ Խաչատրյանի կալանավորման ժամկետը երկարաձգվեց դեկտեմբերի 25-ին, երբ Երեւանի ընդհանուր իրավասության դատարանը բավարարեց Ազգային անվտանգության ծառայության միջնորդությունը:
Գագիկ Խաչատրյանը մեղադրվում է առանձնապես խոշոր չափերի վատնում կատարելու եւ պաշտոնեական լիազորությունները չարաշահելու մեջ: Նա կալանքի տակ է 2019 թվականի օգոստոսի 30-ից:
Նույն քրեական գործով մեղադրյալի կարգավիճակում է նաեւ Գագիկ Խաչատրյանի եղբորորդին՝ Կարեն Խաչատրյանը: Նա մեղադրվում է առանձնապես խոշոր չափով վատնում կատարելու մեջ: Կարեն Խաչատրյանը եւս կալանավորված է:
